POVARU PAISE
( G. MARANO)
stasira vi cce cantu a strina nova
di hatti già successi a stu paise
ca la frittata è china tutta d’ova
a stu paise cc’è nu gridu paru
simu a dicembre e mora ancora l’acqua
ncapu i Catoghjia gridadi Jennaru
ormai n’hau misu tutti sutta a campa
a spazzatura l’hanu triplicata
e l’acqua è cara cumu hossi santa
enzullu Scanga , ccu Giuanni Barone
hau piarsu la fiducia di cristiani
pigliu ppè fissa la popolazione
Giranno Barone ex assessore
Va prega tutti i ghjurni a llu comune
C’cha cunzumatu tutte e menze sove
Si ncunu se dimetta, trasa d’illu
Però ce tenau tutti a lla poltrona
E u lassau suvu ccu nu coccodrillu
Enzullu Scanga , s’eradi prejatu
È statu u primu elettu a lle lezioni
E ha fattu subitu l’anfiteatru
A strina è llu specchiu e stu paise
Parra de cose ca vidi ccù l’uacchi
E de tant’atre ca su sulu ntise
Ia st’annu cose belle nunde vighju
Cacciatu anfiteatru cumunale
Ne resta a gghjasa nova de lu Biviu
Cchù sutta e chillu e Ninnu e Donna Rora
A ffiancu de la scova e llu campettu
Ghjati ammirati sta struttura nova
Cumu la guardi se rapa la core
Hau fattu puru u parcu cumbugliatu
Però se mpuntau chilli chi stau ffore
U parcu è fattu de ligniu speciale
Chiusu du lati ppè unfà pigliare friddu
Allu Bumbinu , chi nasciadi a Natale
Sumandu de lu barru e Ciccu e Cova
Versu lu Biviu e dopu Majulinu
Ve esciadi d’avanti a ghjasa nova
Quando mastru Dinu ha spacchettata
I Margitani s’hau stricatu l’uacchi
E d’hau gridatu :”Cci ndau misu n’atra”
Michele e cecia i tranquillizza a tutti
“U Santuariu è llu stessu e prima
hanu serratu chili hiarri brutti”
Si a guardi mue sidi cchiù cuntiantu
Te sembradi na vela mmianzu mare
Speriamo ca nun sa mbesadi lu viantu
Prima c’erau due squadre e nnò lu campu
Mue, cciadi lu campu e udavimu squadra
A stu paise nun c’ia via de scampu
Hacimu na culletta popolare
Ca nui vulimu a squadra a llu paise
Cu i viacchi tiampi u Lagu addè bucare
E mmue ve parru de li cavalieri
No de Francuzzu , lu higliu de Guidu
Ma di cavalli ccu tutti i stalliari
Se passi e notte avanti u campusantu
Nun te spagniare si se mova n’umbra
Sunu li ciucci chi stau ripusandu
I vachitani u lli pue accontentare
Na vota escianu tutti ccu lli cani
Mue embece a tutti piacia cavalcare
Circanu u purosangue e llu stallone
Ppè lu galoppu piglianu lezione
L’esame lu fa Ntoniu du Timpune
Toninu a Cavallara è dirigente
Appena ha misu pede ntra sta scova
Risorva li problemi cu mu nente
Le fa l’orariu a tutti mianzu e vie
E mmianzu segretariu e pruhessure
Ma u llè parrati mai de pulizie
Vicianzu e Popa si cc’è scatreatu
A furia de scupare tutte e classi
U cuvu e lli ginocchia ha cunsumatu
Enzullu Scanga m’hadi sussurratu
E me tirare e ricchie supra u parcu
Ca de Giuanni me signiu sbagliatu
“Su quattro misi ca fa l’assessure
e s’ha pigliatu puru u miagliu postu
chillu de Eliuzzu , lu dutture”
Caru Giuanni , tu me perdunare
Me fa piacere ca cce si trasutu
Senza poltrona , tu, nun ce sa stare
Tu si lu jolli e tutti i paisani speriamu ca alle prossime lezioni si sindacu e tutti i vachitani
A strina haju finita puru st’annu
Speriamo ca ve siti divertiti
Ve auguru de core nu bon’annu
