FESTIVAL DELLA STRINA LAGHITANA
PREMIO DELLA CRITICA 2013
http://youtu.be/CmEW5ssZog4
http://youtu.be/CmEW5ssZog4
GUARDAIL VIDEO
U Cittadinu Onorariu”
(Luca. Politano)
A llu paise cc’iadi nu signore
ca nun d ‘una fastidiu mai a nessunu
è ccù nu vachitanu ccù llù core
Nessunu sa s’è nu terremutatu
o si è sbarcatu e l’Africa, ppe mare
o si la ndranghita ccà cc’hadi lassatu
Ndù vadi , vadi , attira l’attenzione
si ia nritardu, se
piazzadi avanti
u truavi a ogni manifestazione
E’ bravu cumu nu vicinu e casa
ca t’accumpagnia quando nd’hai bbisuagniu
e te rapadi la porta e dìcia trasa
A d’illu tutte e cose le vau bbone
si chiova, cc’è lu sule o sta jazzandu
te ghjadi amicu sempre e a ogni stagione
Se fa vulire bene e tutti quanti
e chilli chi stau sempre a llu paise
e quando tornau, puru, e l’emigranti
C’è chine u vida bruttu e chine biallu
passeggia mmianzu a chiazza e va alla villa
na vota u ghjurnu, vadi all’Aciriallu
U pue truvare a tutti li spuntuni
ma a llu scuru, nun te fa sc-chiantare
ccu d’illu vuau ghjucà li
guaglioni
Lu fai cuntiantu, sulu, a llu chiamare
nun portadi rancore ccù nessunu
mancu ccù chine , ullùpua suppurtare
Si lu matinu vai a llavurare
e lla mugliera tua, nun te saluta
c’è d’illu a llu purtune a t’aspettare
Te liccadi li piadi e tte fa festa
te fa turnare ncore l’allegria
ppè tutta la jurnata ca te resta
Pue t’accumpagnia ppè nu piazzu e strata
e tuni te ricuardi i tiampi antichi
quando muglierata t’era fidanzata
u truavi a d’ogni tipu
e pricessione
si cc’ìa lu Sindacu ccu Francu Corrente
o si la hascia l’ha Gianni Barone
E’ chinu de rispettu e cortesia
ca quando u luttu escìa de la ghjasa
illu accumpagnadi a Santa Maria
E pue se herma llà ad’aspettare
tuttu lu tiampu ca l’urtimu persuna
nun ha finitu de se licenziare
E illu nun se sa ndù ha studiatu
s’ha fattu lu liceu o u professionale
nu hattu è certu : è tropp’educatu
Ma a llu chiamare Macchia chin’è statu?
nun sacciu si lu sadi donn’Alfonzu
o lu compari sua, ca l’ha vattiatu
Si e cose ca chiedimu , nun se sanu
hacimu nui n’appellu a llu Cumune
du hare Cittadinu Vachitanu